Copy
View this email in your browser

Nýtt yfirlit um fjárhagslega aðstoð vegna sameiningar sveitarfélaga

Nýtt yfirlit um mögulega fjárhagslega aðstoð Jöfnunarsjóðs sveitarfélaga vegna sameininga sveitarfélaga hefur verið birt á vef ráðuneytisins.Þar má skoða framlög sem sveitarfélögum bjóðast, ef til sameiningar kæmi á árinu 2022.

Í nýja yfirlitinu er miðað við ársreikninga 2020 og íbúatölur yfir tímabilið 2015-2021.

Nánar á vef sambandsins

Skýrsla um endurmat á störfum kvenna í Samráðsgátt stjórnvalda

Skýrsla starfshóps forsætisráðherra um endurmat á störfum kvenna hefur verið lögð fram til opins samráðs í Samráðsgátt stjórnvalda.

Starfshópurinn var skipaður 1. desember 2020 í kjölfar yfirlýsingar ríkisstjórnarinnar í tengslum við gerð kjarasamninga milli ríkis og sveitarfélaga og aðildarfélaga BSRB í mars 2020.

Nánar á vef sambandsins

Vefráðstefna um stafræna umbreytingu

Vefráðstefna sveitarfélaga um stafræna umbreytingu fer fram miðvikudaginn 29. september n.k. frá 09:00-12:30.

Á vefráðstefnunni verður sagt frá verkefnum sem sveitarfélögin vilja vinna að í samvinnu í framhaldi könnunar þess efnis sem framkvæmd var í sumar. Verkefnatillögurnar hafa nú verið metnar frekar og áhugavert verður að heyra að hvaða verkefnum verður unnið í samstarfinu árið 2022. 

Rasmus Frey framkvæmdastjóri OS2, samstarfsvettvangs sveitarfélaga í Danmörku verður meðal fyrirlesara og mun hann segja frá  hvernig dönsk sveitarfélög hafa deilt smærri opnum lausnum sín á milli og aukið hraða og styrk sveitarfélaga í stafrænni umbreytingu.

Nánar á vef sambandsins

Skýrsla gefin út um störf án staðsetningar

Skýrsla um stöðu og framtíðarhorfur verkefnisins Störf án staðsetningar hefur verið gefin út á vegum fjármála- og efnahagsráðuneytis, forsætisráðuneytis og samgöngu- og sveitarstjórnarráðuneytis. Verkefnið er hluti af byggðaáætlun 2018-2024.

Í skýrslunni eru settar fram tillögur sem miða að því að fjölga auglýsingum ríkisstarfa án staðsetningar á næstu árum. Lagt er til að ráðuneytin fylgi því vel eftir við stofnanir að þær ráði í störf án staðsetningar, að fræðsla verði aukin og loks að tölfræði og viðmið um kostnaðarþátttöku verði gerð tiltæk og aðgengileg.

Nánar á vef sambandsins

Notkun fjarfundabúnaðar og ritun fundargerða sveitarstjórna

Samgöngu- og sveitarstjórnarráðuneytið hefur birt til umsagnar í samráðsgátt stjórnvalda breytingar á leiðbeiningum um ritun fundargerða og notkun fjarfundabúnaðar.

Sambandið hvetur sveitarfélög til að kynna sér þessar breytingar og hvort tilefni sé til að senda inn umsókn og óska eftir frekari breytingum. Þannig má t.d. velta fyrir sér hvort nauðsynlegt er að hafa gerðabækur áfram, sérstaklega ef sveitarfélög eru að færa sig yfir í rafrænar undirskriftir.

Nánar á vef sambandsins

Stærsti árlegi viðburður sveitarstjórnarstigsins í Evrópu

Evrópuvika sveitarfélaga – European Week of Regions and Cities – fer fram dagana 11.-14. október 2021. Að þessu sinni er hún alfarið á netinu og því kjörið tækifæri fyrir íslenska sveitarstjórnarmenn að taka þátt.

Í ár eru grænu og stafrænu málin fyrirferðarmikil á dagskrá Evrópuvikunnar.

Svæðanefnd ESB (Committee of the Regions) og Byggðadeild Evrópusambandsins (DG Regio) standa fyrir viðburðinum en hann er nú haldinn í nítjánda sinn.

Nánar á vef sambandsins
Twitter
Facebook
Website
Tíðindi 32. tbl. 9. september 2021
© Samband íslenskra sveitarfélaga 2021, Allur réttur áskilinn.
Netfang: samband@samband.is

Viltu breyta eða segja upp áskrift? Afskrá af póstlista.
 
Notaðu ótta þinn, hann getur komið þér þangað sem hugrekki þitt er geymt.
- Amelia Earhart

 
   






This email was sent to <<Email Address>>
why did I get this?    unsubscribe from this list    update subscription preferences
Samband íslenskra sveitarfélaga · Borgartún 30 · Reykjavik 108 · Iceland