Copy
View this email in your browser

Nefndarálit og breytingartillögur við frumvarp um lágmarksíbúafjölda o.fl.

Þann 7. júní var birt nefndarálit ásamt breytingartillögu um frumvarp um breytingar á sveitarstjórnarlögum og lögum um tekjustofna sveitarfélaga.

Drög að breytingartillögum höfðu verið sendar öllum sveitarfélögum til umsagnar í maí. Af því tilefni sendi sambandið viðbótarumsögn dags. 10. maí sl. þar sem lagðar voru til nokkrar breytingar á drögum að tillögum nefndarinnar, í þeim tilgangi að gera orðalag breytingartillagna skýrara. 

Nánar á vef sambandsins

Heildarstefna í úrgangsmálum komin út

Ný heildarstefna umhverfis- og auðlindaráðherra í úrgangsmálum Í átt að hringrásarhagkerfi var gefin út í dag. Stefnan styður við myndun hringrásarhagkerfis á Íslandi og er lykilaðgerð í að draga úr losun gróðurhúsalofttegunda frá úrgangi.

Stefnunni er ætlað að stuðla að minni sóun verðmæta og því að gera Ísland að endurvinnslusamfélagi þar sem urðun verðmæta heyrir sögunni til.

Nánar á vef sambandsins

Kynningarfundur um landsáætlun í skógrækt 2021-2031

Skógræktin og Samband íslenskra sveitarfélaga boða til kynningarfundar föstudaginn 11. júní kl. 09:00-10:00. Fundurinn verður haldinn með rafrænum hætti á Teams.

Tilefnið er að kynna drög að landsáætlun í skógrækt 2021-2031, ásamt drögum að umhverfismati áætlunarinnar, fyrir sveitarfélögunum.  Drögin hafa verið send sveitarfélögunum til umsagnar og er umsagnarfrestur 18. júní nk.

Fundurinn verður í formi fjarfundar og hægt er að skrá sig á fundinn með því að smella á tengilinn hér að neðan.

Dagskrá og skráning á fundinn
Jökulsárlón. Ljósmynd: @Ingibjörg Hinriksdóttir

Drög að stefnu um Hvítbók um aðlögun að loftslagsbreytingum

Umhverfis- og auðlindaráðuneytið hefur sett í Samráðsgátt mál nr. 129/2021, „Hvítbók um aðlögun að loftslagsbreytingum — Drög að stefnu“. Umsagnarfrestur er til og með 24.06.2021..

Samband íslenskra sveitarfélaga hvetur sveitarfélög til að kynna sér drögin að stefnunni og senda inn umsagnir um hana.

Nánar á vef sambandsins

Sameining samþykkt og sameining felld

Íbúar Skútustaðahrepps og Þingeyjarsveitar samþykktu sameiningu sveitarfélaganna í kosningu sem fram fór laugardaginn 5. júní sl. Sama dag felldu íbúar fjögurra sveitarfélaga í Austur- Húnavatnssýslu sameiningartillögu sveitarfélaganna fjögurra.

Með sameiningu Skútustaðahrepps og Þingeyjarsveitar mun sveitarfélögum á Íslandi fækka um eitt og verða þá 68 talsins.

Leiðbeining við byggingarreglugerð

Húsnæðis og mannvirkjastofnun (HMS) hefur gert leiðbeiningu nr. 3.7.3 við byggingarreglugerð. Stöðuskoðun leyfisveitanda útg. 1.3 , í samráði við Samband íslenskra sveitarfélaga, Samtök iðnaðarins og Félag Byggingarfulltrúa.

Með leiðbeiningunni er leitast við að tryggja betur samræmingu á byggingareftirliti um land allt.

Í leiðbeiningunni er lögð áhersla á að skoða verkþætti þar sem áhætta er mikil og afdrifarík í þeim tilgangi að gera eftirlit skilvirkara og markvissara. Sambandið tekur undir með HMS og vonast til þess að aukin framkvæmd stöðuskoðana muni stuðla að meiri gæðum, öryggi og heilnæmi mannvirkja.

Nánar á vef sambandsins
Twitter
Facebook
Website
Tíðindi 23. tbl. 10. júní 2021
© Samband íslenskra sveitarfélaga 2021, Allur réttur áskilinn.
Netfang: samband@samband.is

Viltu breyta eða segja upp áskrift? Afskrá af póstlista.
 
Ég reyni að vera frekar auðmjúkur. Ef ég gengi um segjandi við alla hversu góður ég er, færi allt á verri veg.
(Johnny Miller)

 
   






This email was sent to <<Email Address>>
why did I get this?    unsubscribe from this list    update subscription preferences
Samband íslenskra sveitarfélaga · Borgartún 30 · Reykjavik 108 · Iceland