Copy
View this email in your browser

Starfsþjálfun stórefld

Háskóli Íslands, menntamálaráðuneytið, Samband íslenskra sveitarfélaga og Samtök atvinnulífsins hafa tekið höndum saman í því skyni að stórefla tækifæri til starfsþjálfunar hér á landi.

Nemendum við Háskóla Íslands mun með þessu samkomulagi standa til boða fleiri og fjölbreyttari tækifæri en áður til að kynnast störfum sem tengjast verkefnum þeirra og viðfangsefnum í Háskóla Íslands. Þannig verða nemendur enn betur undirbúnir til að takast á við margbreytileg og krefjandi verkefni sem bíða þeirra að námi loknu.

Fyrirtæki, stofnanir og sveitarfélög sem eru áhugasöm um að taka þátt í verkefninu eru hvött til að sækja um á vefsíðu Tengslatorgs Háskóla Íslands eða í tölvupósti á tengslatorg@hi.is.

Nánar á vef sambandsins

Tengiliðafundur um loftslagsmál og heimsmarkmiðin

Tengiliðafundur um heimsmarkmiðin fer fram á Teams föstudaginn 16. apríl kl. 08:30-10:00.

Á fundinum verður kynnt vinna að sameiginlegum mælikvörðum fyrir sveitarfélög og verkfærakistu.

Nánar á vef sambandsins

Námsstefna um uppbyggingu ferðamannastaða

Endurmenntun Landbúnaðarháskóla Íslands efnir til námsstefnu um uppbyggingu ferðamannastaða þriðjudaginn 20. apríl kl. 10:00-15:00. Námsstefnunni er ætlað m.a. þeim sem koma að skipulagi hönnun, framkvæmdum og umsjón ferðamannastaða, sem og starfsmönnum sveitarfélaga.

Námskeiðið er haldið hjá LBHÍ á Keldnaholti, Árleyni 22 Reykjavík, en boðið verður upp á streymi fyrir þá sem búa fjarri höfuðborginni eða eiga ekki heimangengt þennan dag og verður tengill sendur á þátttakendur deginum áður.

Nánar á vef sambandsins

Ársfundir Umhverfisstofnunar

Ársfundur Umhverfisstofnunar, náttúruverndarnefnda sveitarfélaga og forstöðumanna náttúrustofa er að þessu sinni í formi þriggja rafrænna funda sem haldnir verða í apríl. Dagana 8., 15. og 28. apríl kl. 9:00-10:30 verður boðið upp á opna fundi með fjölbreyttum erindum sem varða náttúruvernd og umhverfismál í starfsemi sveitarfélaga. Fundirnir eru samstarfsverkefni Umhverfisstofnunar, Sambands íslenskra sveitarfélaga og náttúrustofa..

Fyrsti fundurinn fór fram þann 8. apríl kl. 9:00-10:30 og bar hann yfirskriftina Loftslagsmál, loftgæði og sveitarfélög. Annar fundurinn fór fram 15. apríl kl. 9:00-10:30 og bar yfirskriftina Vannýtt þekking í heimabyggð? Hvernig geta náttúrustofur stutt við starf náttúruverndarnefnda?

Nálgast má upptökur af erindum fundanna á vef UST.

Photo by MART PRODUCTION from Pexels

Málefni aldraðra til umfjöllunar á heilbrigðisþingi 2121

Heilbrigðisráðherra hefur ákveðið að efna til heilbrigðisþings 20. ágúst næstkomandi og verða málefni aldraðra umfjöllunarefni þingsins. Gert er ráð fyrir að drög að stefnu um heilbrigðisþjónustu við aldraða verði kynnt og rædd á þinginu.

Nánar á vef stjórnarráðsins
Twitter
Facebook
Website
Tíðindi 15. tbl. 15. apríl 2021
© Samband íslenskra sveitarfélaga 2021, Allur réttur áskilinn.
Netfang: samband@samband.is

Viltu breyta eða segja upp áskrift? Afskrá af póstlista.
 
Þér er gefinn örlítill neisti af brjálæði, ekki tapa honum. (Robin Williams)
 
   
 






This email was sent to <<Email Address>>
why did I get this?    unsubscribe from this list    update subscription preferences
Samband íslenskra sveitarfélaga · Borgartún 30 · Reykjavik 108 · Iceland